NAN KACHE - Allan avèk Andrew Hall
Odyo Sèlman
NARATÈ :
Sèten Jwif te siviv lagè an lè yo te viv kache lakay moun ki pat Jwif nan peyi Polòy anba okipasyon an. Allan Hall avèk manman ak papa l Edmund epi Maria te viv experyans evenman mirak nesans yon ti bebe, Andrew, pandan yo te kache nan yon kav pou chabon. Lè sa a, yo te oblije fè fas ak yon desizyon difisil: kisa pou yo fè avèk ti bebe an.
Allan Hall:
Nou te antre nan sousòl lan epi yo mete manman m nan yon seksyon epi mwenmenm mwen pat abitye ditou rete lwen li. Kounyè an, se pou ou byen konprann, mwen te lwen li lè sa a, siman se te yon distans 10 pye nan menm espas lan epi yo fèm panike nèt pase yo te mete yon dra pann pou separe nou. Li te montre yon ti vant piti men nan epòk sa a nou te ase grangou preske tout tan donk moun te gen vant yo gwo epi se te yon bagay nòmal pou ou wè. Epi yon ti moman apre se wè m wè ti frè m lan te fèt.
Andrew Hall :
Mwen te peze anviwon 2 liv lè m te fèt, mwen fèt nan yon move moman nan listwa epi mwen pat gen anpil chans pou mwen siviv.
Allan Hall:
Te gen yon doktè yon kote, nan yon lòt pyès nan sousòl lan ki te vini pou wè li pase nan epòk sa yo pat gen okèn timoun ki te fèt.
Mwen pat konnen li te ansent epi pandan lontan mwen kwè limenm pat konnen.
Donk pou yon ti bebe fèt se te yon bagay ekstwòdinè, epi doktè sa a te vini epi li mande manman m si li te kapab alete bebe an. Manman m di li te eseye men li pat kapab. Li di alò, ti bebe sa a pa gen anpil chans pou l viv, men li di si ou oblije vre, si ou vreman santi ou dwè fè tou sa ou kapab, moun ap jwenn yon mwayen, doktè an oubyen yon moun nan sousòl lan jwenn yon ti sik.
Andrew Hall :
Donk sak fè m pa mouri se dlo ak sik mwen te bwè. Se pa chak ti kiyè yo chofe yo banm manje pandan 24 è pa jou pandan premye jou yo.
Andrew Hall :
Apre sa yon dantist te vin konkli mwen pat kapab siviv si moun pat fè yon pakèt gwo efò pou sa, donk sa yo fè se yo echanje san ant san manman m avèk san pam san yo pa teste si gwoup sangen an te bon epi lojik yo te genyen an se swa mwen siviv swa mwen mouri. Men mwen siviv epi sa ba mwen kont fòs pou mwen vin kòmanse anfòm.
Allan Hall:
Nou te Vasovi pandan revòlt lan.
Nou te oblije ale kite paske Alman yo ta pral depeple tout vil Vasovi an epi kraze l plat atè. Menm jan ak Carthage. Kounyè a, soti nan Vasovi se te yon gwo pwoblèm. Donk meyè mwayen an, e se pat tèlman yon bon mwayen, men se te sak te pi bon pou nou, se te pase nan egou yo. Anpil moun tap fè sa, pase nan egou yo.
Epi moun te di ou pral oblije kite ti bebe an deyè oubyen yon lòt posibilite se pou yo tiye ti bebe an pase ou pa kapab pase nan egou yo avèk yon ti bebe. Premye bagay lan, si ti bebe an kriye yap tou voye yon grenad nan egou an sou nou a travè youn nan bouchdòm yo epi nou tout ap mouri. Donk rèst gwoup lan pat vle ti bebe an. Lè sa a manman m, li te kenbe tout gwoup moun yo tèt epi li di "Non. Se swa nou tout viv oubyen nou tout mouri. Nou pap tiye ti bebe sa a ki fèk fèt ni nou pap kite ti bebe ki fèk fèt sa a deyè."
Andrew Hall :
Chak jou mwen pase sou latè pou mwen se yon mirak e mwen eseye rekonèt sa.
NARATÈ :
Toulede frè yo avèk manman epi papa yo siviv Olokòst lan epi yo imigre nan Etazini. Apre yon tan yo te enstale nan Miami.
